د چرګانو د دانې توليدي شرکت او یو شمېر اصنافو له فعالیتونو څخه څارنه وشوه

۱۴۴۵کال ربیع الاول۲۰مه نېټه/ ننګرهار-کونړ
د ننګرهار ولایت د چاپېريال ساتنې  ریاست د کنټرول او تفتیش ټیم د جلال اباد ښار د ٩ناحي اړوند ساحه کې د چرګانو د فارم او د چرګانو د دانې جوړولو تولیدی شرکت او همدا راز د کونړ ولایت د چاپېریال ساتنې ریاست نظارتي ټیم د څوکۍ ولسوالۍ د ۳۹مختلفو اصنافو له فعالیتونو څخه د چاپېریالي اصولو د تطبیق په موخه څارنه ترسره کړه.

همدارنګه د دیوه ګل درې د ځنګلونو د ساتنې په هکله د څوکۍ ولسوالۍ له ولسوال سره مشورتي ناسته وشوه.
 د چاپېریالي چارو مفتشینو د ذکر شوو اصنافو مسئولینو ته موجوده چاپېریالي نیمګړتیاوې په ګوته کړې او سپارښتنه یې ورته وکړه چې خپل فعالیتونه د چاپېریالي اصولو مطابق ترسره کړي.