وروستی
په پکتیکا کې د بایسکل ځغلونې سیالۍ په ترسره کولو سره د چاپېریال نړېواله ورځ ولمانځل شوه
د غبرګولي ۲۱مه/ښرنه
د پکتیکا ولایت د چاپېریال ساتنې ریاست لخوا د غبرګولي په ۲۱مه نېټه د بایسکل ځغلونې سیالۍ په ترسره کولو سره د چاپېریال نړیواله ورځ ولمانځل شوه چې موخه یې د چاپیریال ساتنې په تړاو د پیغامونه لېږدول او د خلکو عامه_پوهاوی و.
په یادو مراسمو کې د پکتیکا مرستیال والي شېر بادشاه اُرګوني هم برخه اخیستې وه، له خلکو یې غوښتنه وکړه چې چاپېریال ساتنې ته پاملرنه وکړي او د یو سالم چاپېریال رامنځته کولو لپاره له دولت سره ګډه همکاري وکړي.
نوموړي د ځنګلونو د ساتلو په تړاو له ولسونو د همکارۍ غوښتنه وکړه او زیاته یې کړه: ځنګلونه د هېواد ملي شتمي ده، ساتنه او پالنه یې د ټولو هېوادالو دنده ده.
د پکتیکا ولایت د چاپېریال ساتنې رئیس انجنیر هدایت الله سمیع هم د ځنګلونو په ساتنه، د وحشی ژیو د ښکار څخه مخنیوی او چاپېریال ساتنه کې د خلکو همکاري اړینه وبلله.
په پکتیا کې د چاپېریال اونۍ په درشل کې د ماسکونو وېشلو کمپاین ترسره شو
د غبرګولي ۲۱مه/ ګردیز
د پکتیا ولایت د چاپېریال ساتنې ریاست لخوا د چاپېریال اونۍ په درشل کې پر گردیز ښاریانو او هټۍوالو د کورونا وبا د مخنیوي په موخه، 900 دانې ماسکونه وویشل شول.