وروستی
د دایکنډي ولایت د والي له معاون او ولایتي استازو سره لیدنه
کابل- ۱۳۹۹د وږي ۲مه
د چاپېریال ساتنې ملي ادارې عمومي رییس شاه زمان میوندي پرون یکشنبه د وږي په ۲مه، په خپل کاري دفتر کې د دایکنډي ولایت له معاون داکتر محمد علي ارزګاني، په ملي شورا کې د دایکنډي استازي علي اکبر جمشیدي او د یاد ولایت د ولایتي شورا غړي جواهري سره ولیدل.
په دې لیدنه کې د دایکنډي ولایت د والي معاون د چاپېریال ساتنې ملي ادارې د رهبرۍ هلې ځلې وستایلې او د دغه ولایت چاپېریالي ستونزو او فرصتونو ته په اشاره یې د ادارې د رهبرۍ د پاملرنې غوښتنه وکړه.
د والي معاون او د دایکنډي استازو د چاپېریال ساتنې ملي ادارې له رهبرۍ و غوښتل چې د دغه ولایت ظرفیتي برخو، په ځانګړې توګه ځنګلونو ته پاملرنه وکړي او که چېرې د ساتل شویو سیمو په معیار برابرې وي، سروې شوې سیمې دې د ساتل شویو سیمو او یا ملي پارک په توګه اعلام کړي.
په پای کې د چاپېریال ساتنې ملي ادارې عمومي رییس شاه زمان میوندي په دایکنډي کې د تر سره شویو فعالیتو د قدردانۍ تر څنګ ژمنه وکړه، چې د تخنیکي مطالعاتو، اسنادو او مدارکو له چمتو کولو ورسته به په دې تړاو وړ اقدامات تر سره کړي.