وروستی
د زرغون اقلیم صندوق (GCF)له سکرتریت سره د پېژندل شویو سوژه نامو د پروژو په تړاو د افغانستان دولت دویمه مشورتي ناسته
کابل- ۱۳۹۹د وږي ۱۱مه
د افغانستان اسلامي جمهوریت د زرغون صندوق اقلیم له سکرتریت سره په ګډه د سوژه نامې د پېژندل شویو پروژو په اړه د چاپېریال ساتنې ملي ادارې د نړیوالو اړیکو او پالیسۍ معین ادریس ملیار په مشرۍ، د یاد صندوق د برنامو د رییس پا اوسمان جارجو په ویدیویو حضور، د وزارتونو نماینده ګانو او اړوندو دولتي ادارو، د(MIEs) د څو اړخیزه پلي کوونکو نهادونو سره د ویدیویي کنفرانس له لارې د دې ادارې د بند امیر غونډو په تالار کې دویمه مشورتي ناسته ترسره کړه.
د ناستې په پیل کې ښاغلي ملیار د چاپېریال ساتنې ملي ادارې د رهبرۍ په استازیتوب، د زرغون صندوق اقلیم سکرتریت د رهبرۍ د شپږویشتمې ناستې په اوږدو کې د افغانستان د لمړنۍ پروژې د تاییدولو په اړه د تخنیکي همکارۍ قدرداني وکړه.
ده په هېواد او په ځانګړې توګه په پروان کې د ورستیو راوتلو سېلابونو ناوړه پېښو ته په اشارې سره وویل: افغانستان په منطقه کې د اقلیمي بدلون د ناخوښو زیان منونکو هېوادونو له جملې څخه دی او د دغه ستونزو د حل په برخه کې د زرغون صندوق اقلیم له جملې څخه د اقلیمي بدلون نړیوالو مالي مېکانېزمونو ته لاس رسی دی.
د چاپېریال ساتنې ملي ادارې د پالیسۍ او نړیوالو اړیکو معین روښانه کړه: نننۍ ناسته د زرغون صندوق اقلیم لپاره د افغانستان د پاتې پېژندل شویو سوژه نامو د پروژو په تړاو د لا زیاتو نظریاتو د تبادل په پار دایره شوې ده.
د دې ناستې په اوږدو کې له وزارتونو او دولتي ادارو څخه د اقلیمي بدلون د اثراتو د سازګارۍ او د شنو خونو د ګازونو د پراختیا مخنیوي په برخه کې د ۴۱۸میلیونه ۵۰۰ زره امریکایي دالرو په ارزښت د آتو سوژه نامو پروژې تر لاسه شوې دي، او په دې برخه کې د زرغون صندوق اقلیم له سکرتریت سره په همدې تړاو بحث تر سره شو او په پای کې په دې پرېکړه وشوه چې د نظریاتو تر لاسه کولو ورسته د یادو پروژو پیشنهادي طرحې چمتو او د دغه صندوق سکرتریت ته ولېږدول شي.
د یادولو وړ ده چې ځینې سوژه نامې چې یو نیم میلون امریکایي دالرو وړتیا لري، له همدې مبلغ څخه ګټه اخیستل شي.