وروستی
د چاپېریالي چارو معلوماتي سیسټم (NEIS) په هکله ښوونیز ورکشاپ جوړ شو
د لیندۍ ۱۵مه نېټه کابل
د چاپېریال ساتنې ملي ادارې لخوا د شپږو ولایتي ریاستونو کارکوونکو لپاره د چاپېریالي چارو معلوماتي سیسټم په هکله پنځه ورځنی ښوونیز ورکشاپ جوړ شوی و چې د لیندۍ په ۱۳مه نېټه پای ته ورسېده.
د دې ادارې د مالي او اداري چارو معین محمد یوسف حمیدیان په دغه ورکشاپ کې د رئیسانو او کارکوونکو ګډون با اهمیته وباله او ویې ویل: د معلوماتي تکنالوژۍ آمریت د دې ادارې ولایتي کارکوونکو د ظرفیت لوړولو لپاره ګټورې برنامې چمتو کړې چې تاسو هم له دغه سیسټم څخه د ښې استفادې په موخه مرکز ته رابلل شوي یاست او له روزنې وروسته به وکولی شئ د دغه سیسټم له اسانتیاوو څخه په خپلو ورځنیو چارو کې برخمن شئ.
دغه ورکشاپ له پنځو ورځو وروسته پای ته ورسېده او ګډونوالو ته یې تصدیق پاڼې ووېشل شوې.
د یادونې وړ ده چې د چاپېریالي چارو معلوماتي سیسټم په ډينامیک ډول طرحه او ډیزاین شوی او د چاپېریالي معلوماتو د ساتلو لپاره د استفادې وړ دی؛ همدا راز په مبایل اپلیکشن او کمپیوټر کې ترې استفاده کېدای شي.