وروستی
د چاپېریال ساتنې ملي ادارې د پلان، پالیسۍ او نظارت مرستیال وپیژندل شو
کابل د ۱۳۹۹ کال د سلواغې ۲۹ نېټه
د ولسمشر د حکم له مخې داکتر احمد حسیب پایاب نن چهارشنبه د سلواغې په ۲۹مه نېټه، د چاپېریال ساتنې ملي ادارې د رهبرۍ، د اوبو چارو د تنظیم ادارې عمومي رییس خان محمد تکل او یو شمېر نورو دولتي او غیر دولتي ادارو د استازو په ګډون د دې ادارې د پلان، پالیسۍ او نظارت د مرستیال په توګه و ټاکل شو.
په پیل کې د چاپېریال ساتنې ملي ادارې عمومي رییس شاه زمان میوندي گډونوالو ته د ښه راغلاست تر څنګ، ښاغلي پایاب ته د نوې دندې مبارکي ورکړه. ښاغلي میوندي په خپلو خبرو کې زیاته کړه، چې ټولې دولتي چارې باید په ټېمي او ګروپي شکل تر سره شي او موخو ته د رسېدو لپاره مهمه ده، چې په ګډه کار وکړو.
ورپسې احمد حسیب پایاب د چاپېریال ساتنې ملي ادارې د پلان، پالیسۍ او نظارت مرستیال خبرې وکړې او ژمنه یې وکړه چې خپلو چارو ته به په پوره اخلاص سره ځان رسوي.
ښاغلي پایاب د چاپېریال ساتنې او اوبو سرچینو د مدیریت په برخه کې د دوکتورا تر کچې زده کړې کړې او تر دې مخکې یې د نورو دولتي او غیر دولتي ادارو په شمول د اوبو چارو د تنظیم ادارې د پلان او پالیسۍ د رییس په توګه دنده پرمخ وړې.