وروستی
اوو واليانو د چاپېریال ساتنې ملي ادارې عمومي رئیس سره په خبرو کې وویل: "د نیالګیو کېنولو لپاره به د ټولنې مختلفو اقشارو په ګډون له ټولو امکاناتو استفاده وکړو"
د کب ۱۲مه نېټه کابل
د چاپېریال ساتنې ملي ادارې عمومي رئیس شاه زمان میوندي د نیالګیو کېنولو ملي پروسې په تړاو د جمهوري ریاست عالي مقام د حکم د ښه پلي کېدو او دې ملي پروسې ته د والیانو د لا ډېرې پاملرنې په موخه نن سه شنبه د کب په ۱۲مه نېټه له ځینو والیانو سره ټلیفوني خبرې وکړې.
ښاغلي میوندي د هرات، پنجشیر، پکتیکا، فاریاب، کونړ، بامیانو او نورستان ولایتونو له والیانو سره ټلیفوني خبرې وکړې او د نیالګیو کېنولو ملي کمپاین یې یوه ملي پروسه وګڼله او د نیالګیو کېنولو سږني پلان په پلي کولو کې یې د والیانو جدي پاملرنه وغوښته. نوموړي یادونه وکړه: د ۲۵میلونه نیالګیو کېنولو پلان د تطبیق لپاره باید د هیواد په ګوټ ګوټ کې د ټولنې مختلفو اقشارو په ګډون پراخ کمپاینونه وشي.
ښاغلي میوندي ټینګار وکړ چې په مرکز او ولایتونو کې به د دې ادارې مسوولین او ټول کارکوونکي په بشبړ ډول له دې ملي پروسې څخه ملاتړ وکړي.
والیانو هم د دغې ملي پروسې هرکلی وکړ او ډاډ یې ورکړ چې د دې ملي پروسې د پیاوړتیا لپاره به د شته امکاناتو پر مټ جدي هلې ځلې وکړي.
د یادولو وړ ده چې د چاپېریال ساتنې ملي ادارې عمومي رئیس به د نیالګیو کېنولو ملي کمپاین د لا ښه تطبیق لپاره له ټولو والیانو سره خبرې وکړي.
تمه ده چې سږ کال به په ټول هېواد کې ۲۵ میلیون نیالګي کېنول شي.
هرا فغان یوه ورځ یو نیالګی
د سولې او ښېرازۍ نیالګی