وروستی
د چاپېریالي او ټولنیزو اغېزو د ارزونې ځانګړې کمېټې (ESIA) ۱۲مه غونډه وکړه
د کب ۱۳مه کابل
د چاپېریال ساتنې ملي ادارې د مالي او اداري چارو سرپرست معین محمد یوسف حمیدیان په مشرۍ د (۱۳۹۹ کال د کب په ۱۳مه نېټه) د پروژو د چاپېریالي او ټولنیزو اغېزو د ارزونې ځانګړې (ESIA) کمېټې، ۱۲مه غونډه وکړه.
په دې ناسته کې د اړوندو ادارو استازو ګډون کړی وو چې د ۴ پروژو (د عتیق صحرایي د کان کېندنې شرکت، درخشان لمیتد کوهسار دیګ بخار، د زاهد صمیم لوجستیکي شرکت او نچرل سټون د مرمر ډبرو شرکت) د چاپېریالي او ټولنېزو چارو د ارزونې پر راپورونو یې بحث وکړ او یادې پروژې د کمېټې لخوا تائید شوې.
د بحث په ترڅ کې د بامیانو حلقوي سړک پروژه، رحیم، بخت الله او صدیق درمان د تالک ډبرو پروژې، هري فارما او همدا راز د ۲۵میګاواټه بادي برېښناکوټ پروژې په مشروط ډول تائید شوې.
د غونډې په پای کې د درې پروژو (د فراز اسیا خدماتي او لوجستیکي شرکت، عبدالاحد احسان د المونیم د ویلې کولو شرکت او د آمو پینځو سیندونو د کانال پروژو) د چاپېریالي چارو د اروزنې راپورونه د ځینو ستونزو له امله د کمېټې لخوا رد شول.