وروستی
د چاپېریال ساتنې ملي ادارې او آغاخان بنسټ تر منځ پر ګډو همکاریو بحث وشو
کابل ۱۴۰۰کال د وري ۹مه
د چاپېریال ساتنې ملي ادارې عمومي رئیس شاه زمان میوندي او د دې ادارې مسلکي معین انجنیر عزت الله صدیقي، نن (دوشنبه د وري په ۹مه) د آغاخان بنسټ د پراختیایي شبکې له مدیر، آشیف هاشام او د کور جوړونې په چارو کې د آغاخان بنسټ اجرائیوي رئیس شادمن حاجي بیګ اوف سره په خپل کاري دفتر کې وکتل.
ښاغلي میوندي د آغاخان بنسټ کړنې او هڅې وستایلې او د چاپېریال ساتنې په برخه کې یې د آغاخان بنسټ پر همکاریو ټینګار وکړ او ویې ویل: موږ د آغاخان بنسټ د همکارۍ هرکلی کوو او د اقلیمي بدلون په تړاو باید ګډ کار وکړو.
د آغاخان بنسټ مسوولینو هم د چاپېریال ساتنې ملي ادارې له رهبرۍ څخه مننه وکړه او د اقلیمي بدلون سره د مبارزې په برخه کې یې د همکارۍ ژمنه وکړه.
د یادولو وړ ده چې د آغاخان بنسټ د مختلفو برخو سربېره له اقلیمي بدلون څخه د زیانمنو خلکو سره مرسته کوي