وروستی
ډاکتر احمد حسیب پایاب د کانونو او پترولیم وزارت د پلان او پالیسۍ له معین سره وکتل
د وري ۱۸مه کابل
د چاپېریال ساتنې ملي ادارې د پلان، پالیسۍ او نظارت معین ډاکتر احمد حسیب پایاب د کانونو او پترولیم وزارت د پلان او پالیسۍ له معین عتیق ذکي سره د دواړو ادارو تر منځ د همغږۍ د پیاوړتیا په پار د هغه په کاري دفتر کې وکتل.
په پیل کې ښاغلي پایاب د چاپېریال ساتنې په اهمیت او د کانونو پر کېندنې مفصلې خبرې وکړې زیاته یې ک
ړه: سالم او خوندي چاپېریال د انسانانو، ژوو او نباتاتو پر ژوند مثبتې اغېزې لري، ده وویل: چې له سالم چاپېریال سره روغ ژوند تړلی؛ نو اړینه ده چې د سالم او خوندي چاپېریال لپاره د شته او پېښدونکو ګواښونو مخه ونیسو. ده همدا راز د کانونو د کېندل او پراختیا د اقتصادي ودې لپاره اړینه ده او پدې په اړه یې چاپېریال ساتنې ته د پېښوونکو ستونزو یادونه وکړه.
د کانونو وزارت د پلان او پالیسۍ معین عتیق ذکي په ټولیزه توګه د چاپېریال ساتنې رول مهم وباله او غوښتنه یې وکړه چې د دواړو ادارو تر منځ د کانونو د استخراج په برخه کې باید قوي همغږي او همکاري موجوده وي. ده د کانونو په برخه کې شته ننګونو یادونه وکړه په ځانګړې توګه د کوچنیو او کم ارزښته کانونو په اړه د چاپېریال ساتنې د جوازونو په برخه کې د اسانتیا غوښتنه وکړه، چې په دې برخه کې اسانتیا رامنځته شي؛ تر څو سوداګرو او کان ایستونکو ته د کانونو په ایستلو کې د پام وړ مثبت بدلون واقع شي.
سربېره پر دې په چارو د لاښې همغږۍ او اسانتیا په پار د تحقیق، ارقامو او معلوماتو شریکولو، ګټورې پلټنې او څارنې او د یوه متمرکز او ګډ سیستم پر جوړولو بحث وشو.
هېره دې نه وي چې دواړو لورو د پخواني تفاهم لیک د بیا ځلي نوي کېدواو بیاځلي کتنې غوښتنه وکړه، چې په نیږدې راتلونکې کې به نوی شي.