وروستی
طبي زبالې دې د چاپیریالي اصولو په پام کې نیولو سره له منځه یووړل شي
۱۴۴۴کال د جمادي الاول ۳مه/ هرات
د هرات ولایت د چاپېریال ساتنې رئیس انجنیر حضرت علي ابدالي په مشرۍ د طبي زبالو د تنظیم ولایتي کمېټې نوبتي غونډه وکړه چې پکې د عامې روغتیا، ښاروالۍ، کرنې او پوهنتون ریاستونو؛ مستوفیت، د هستوي انرژۍ آمریت او خصوصي روغتونونو ټولنې استازو ګډون کړی وو.
په پیل کې ګډونوالو د طبي زبالو د راټولولو د څرنګوالي، تفکیک او په معیاري توګه یې د سوځيدو په هکله بحث او خبرې وکړې او ټینګار یې وکړ چې طبې زبالې باید د چاپېریالي اصولو مطابق له منځه یووړل شي.
د غونډې په دویمه برخه کې د طبي زبالو د لېږد او له منځه وړلو لپاره د شپږو داوطلبو شرکتونو اسناد چې د عامې روغتیا ریاست ته سپارل شوي وو، د یادې کمېټې تر ارزونې وروسته ۳ شرکتونه په شرایطو برابر وبلل شول.
د یادولو ده چې په هرات ولایت کې د طبي زبالو د راټولولو او لېږد شرکتونه د چاپېریالي او روغتیایي ستندردونو د اصولو مطابق د طبي زبالو د تنظیم کمېټې لخوا انتخابیږي.