وروستی
د چاپیریال ساتني ملي ادارې سرپرست په افغانستان کي دملګرو ملتونو د بشري مرستو همږغي کونکي ادارې له استازي سره د یوې ناستي پرمهال ولیدل:
کابل- ۱۱/ جمادی الاول۱۴۴۴ مطابق ۱۳ قوس ۱۴۰۱
دغه لیدنه چي یکشنبه ترسره سوه د چاپیریال ساتني ملي ادارې مسلکي معین اود یادي ادارې سرپرست ډاکټر زین العابدین عابد او یو شمېر نورو مسولینوهم برخه لرله .
د چاپیریال ساتني ملي ادارې سرپرست په افغانستان کي دملګرو ملتونو همږغي کوونکي ادارې له استازي آغلي (بیلي) سره د کتني پرمهال وویل چي د اقلیم بدلون او چاپیریال یوه نړیواله مسله ده او افغانستان هم داقلیم بدلون له اغیزو خوندي نه دی .
ښاغلي عابد د نړیوالي ټولني او په څانګړې توګه د ملګرو ملتونو د بشري مرستو دهمږغي کوونکي ادارې له استازي څخه د چاپیریال ساتني په برخه کي همکارۍ غوښتنه وکړه اوویې ویل چي دافغانستان خلک باید له یاده ونه ویستل سي.
د ملګرو ملتونو دبشري مرستو د همږغي کونکي ادارې استازي اغلي (بیلي) دخپلو خبرو پرمهال د چاپیریال ساتني ملي ادارې رهبرۍ اومسولینوته ډاډ ورکړ چي زموږ اړیکي به دوامداره وي او هڅه به وکړو چي د ملګرو ملتونو اړونده دفترونه ددې ادارې سره ګډ کار اوفعالیت کولو ته راوبولو ، هغې وویل اداره یې په بشپړه توګه همکارۍ ته چمتوده او کوښښ به وکړي چي دافغانستان له خلکو سره خپلي مرستي او همکارۍ دوامداره وساتي