وروستی
د چاپېریال ساتنې ملي ادارې کارکوونکو ته د دعوت او ارشاد عمومي رئیس اصلاحي وینا وکړه
۱۴۴۴کال د شعبان ۲۸/ کابل
د چاپېریال ساتنې ملي ادارې د کول حشمت خان د غونډو په تالار کې نن سه شنبه د
شعبان په ۲۸مه نېټه د دعوت او ارشاد عمومي ریاست لخوا اصلاحي غونډه جوړه شوې وه چې
پکې د دې ادارې ټولو مسوولینو ګډون کړی وو.
غونډه د قران عظیم الشان د مبارکو آیتونو په تلاوت پیل شوه ورپسې د دعوت او ارشاد
عمومي رئیس شیخ محمد هاشم شهید ورور هر اړخیزه اصلاحي وینا وکړه او له کارکوونکو یې
وغوښتل چې دین زده کړي او عمل پرې وکړي.
نوموړي زیاته کړه: د دین زده کول او عمل پرې کول زموږ ټولو مسوولیت دی، دا د حضرت
محمد مصطفی صلی الله علیه وسلم لارښوونه او د الله جل جلاله فرمان دی؛ نو موږ ته
پکار ده چې هم پخپله دین زده کړو او هم یې نورو ته ورسوو.
د ارشاد او دعوت عمومي رئیس وویل: علم د الله تعالی ذاتي صفت، ډیر لوړ او قدرمن دی
موږ باید د علم د زده کړې لپاره د علم پسې لاړ شو او موږ پر دې مکلف یوو چې خپل دین
په سمه توګه زده کړو. نوموړي ټینګار وکړ چې دا د اسلامي نظام مسوولیت دی چې د
ناروا کارونو مخه ونیسي او ټولنه د نیکو او راو کارونو پر لور سوق کړي.
ښاغلي شیخ صاحب په خپلو خبرو کې وویل: موږ باید خپل سیرت او صورت د اسلامي
ارشاداتو مطابق عیار کړو او ټولو الهي اوامرو ته غاړه کېږدو او له منکراتو څخه خپل
ځانونه وساتو.