وروستی
د ژوند بڼو ملي ستراتیژۍ مسودې د اروزنې درې ورځنی ورکشاپ دوام لري
۱۴۴۴کال د شوال ۲۰مه/ کابل
د چاپېریال ساتنې ملي ادارې د مسلکي او پالیسي چارو معین ډاکټر
زین العابدین عابد په مشرۍ د دې ادارې د بند امیر غونډو په تالار کې د ژوند بڼو
ملي ستراتیژي او د عمل پلان مسودې د وروستۍ ارزونې په هکله درې ورځني مشورتي
ورکشاپ دویمې ورځې غونډه ترسره شوه چې پکې د دې ادارې مشرتابه، رئیسانو، متخصصینو،
د وحشي ژوو د ساتنې (WCS) موسسې
رئیس او متخصصینو، د کابل پوهنتون استادانو او د اړوندو ادارو استازو ګډون کړی وو.
د چاپېریال ساتنې ملي ادارې مسلکي او پالیسي چارو معین له ګډونوالو
وغوښتل چې د ژوند بڼو ملي ستراتېژۍ سند د غنامندۍ په برخه کې له دې ادارې سره پوره
همکاري وکړي.
د غونډې په لړ کې د دې ادارې د متخصصینو له خوا د افغانستان
د ژوند بڼو ملي ستراتیژۍ د څرنګوالي په هکله هر اړخیز معلوماتي پریزنټېشنونه وړاندې
شول چې ګډونوال به خپل نظرونه او وړاندیزونه له دې ادارې سره شریک کړي.
د ژوند بڼو ملي ستراتېژۍ مسوده د چاپېریال ساتنې ملي ادارې
له خوا د وحشي ژوو د ساتنې (WCS) موسسې
په همکارۍ چمتو شوې چې د ژوند بڼو د ساتنې اړوند فعالیتونه به د همدې سند په اساس
تنظیمږي.