وروستی
د ښکار د مخنیوي کمپاین پر دوام، درې تنه ښکاریان چې د الوتونکو ښکار یې کاوه ونیول شول
۱۴۴۴کال
د شوال۳۰مه/
لغمان
د لغمان ولایت د چاپېریال ساتنې ریاست مسوولینو د ریاست الوزرا عالي مقام د حکم د
تطبیق په موخه د ښکار د مخنیوي کمپاین پیل کړی چې نن د ثور په ۳۰مه نېټه د کابل ـ جلال اباد د
لویې لارې په اوږدو کې د خیروخیلو په سیمه کې درې تنه ښکاریان نیول شوي، ټول د ښکار
وسایل، دامونه، جالونه او قفسونه ترې اخیستل شوي، له متخلفینو څخه تعهد اخیستل شوی
چې بیا به یاد ناوړه عمل نه تکراروي.
د یادونې وړ ده چې د لغمان ولایت د چاپیریال ساتنې ریاست د ښکار د مخنیوي لپاره د
ولایت په سطحه کمپاین پیل کړی دی چې د هغه په ترڅ کې د ولایتي ادارو په ځانکړي ډول
د امنیتي مسؤلینو د ولسوالیو له چاوراکو سره په یادې موضوع همغږې رامنځته شوې ده،
د بیلابیلو ښکاري سیمو او ساحو څخه په دوامداره توګه بررسي ترسره کیږي او د سرغړوونکو
اشخاصو څخه یو شمېر وسایل ضبط شوي دي.
د لغمان چاپیریال ساتنې ریاست به د اسلامي
او وظیفوي مسؤلیتونو له مخې د الوتونکو او ماهیانو ناقانونه ښکار ته پوره پاملرنه
کوي ترڅو د هیواد د طبعي شتمنیو ساتنه وشي.