وروستی
د چاپېریال ساتنې ملي ادارې لوړ پوړي پلاوي بدخشان ولایت ته سفر وکړ
۱۴۴۴کال
د ذالقعدې۱نېټه/
بدخشان
د چاپېریال ساتنې ملي ادارې مسلکي او پالیسي معین ډاکټر زین
العابدین عابد په مشرۍ د دې ادارې لوړ پوړی پلاوی چې په هغه کې د دې ادارې او د
وحشي ژوو د ساتنې (WCS)
موسسې داخلي او بهرني متخصصین شامل دي، د بدخشان ولایت د چاپېریالي وضعیت د ارزونې
په موخه یاد ولایت ته د ۱۴۴۴ق
کال د ذی القعدې په لومړۍ نېټه رسمي سفر وکړ.
یاد پلاوی به د افغانستان دویم ملي پارک واخان د چاپېریالي
وضعیت او هلته د ترسره شویو او راتلونکو فعالیتونو څارنه وکړي.
د چاپېریال ساتنې ملي ادارې مسلکي او پالیسي معین په مشرۍ
پلاوي بدخشان ولایت ته د خپل سفر په لړ کې په واخان او اشکاشم ولسوالیو کې د واورین
پړانګ څخه د اهلي ژوو د ساتنې لپاره د جوړو شویو ځایونو، ګلخانو، لمریزو نغریو، د
مثمرو باغونو د احداث، د ځنګلونو جوړول، د استنادي دیوالونو او نورو تکمیل شوو او
ناتکمیلو پروژو څخه لیدنه وکړه.
د دې سفر په لړ کې به له سیمه ییزو چارواکو سره د وحشي ژوو
د ښکار او قاچاق د مخنیوي، واخان ملي پارک د ساتنې او اقلیمي بدلون سره د مبارزې
په برخه کې د حل لارو په تړاو لیدنې او کتنې وشي.