وروستی
په نورستان کې د چاپېریال نړۍواله ورځ ولمانځل شوه
۱۴۴۴کال
د ذالقعدې۱۸نېټه - نورستان
د نورستان ولایت د چاپېریال ساتنې رياست د ولایت مقام او ښاروالۍ
په همغږۍ د چاپېریال نړيواله ورځ (د پلاستیکي ککړتیا پروړاندې مبارزې) تر شعار
لاندې د نورستان په مرکز پارون کې د پاکارۍ عمومي حشر په ترسره کولو ولمانځله.
په دې حشر کې د نورستان ولایت د چاپېريال ساتنې ريیس او
کارکوونکو، د پارون ښاروال، د اصنافو ریيس، محصلينو او راديو تلويزون استازو ګډون کړی وو.
پر همدې مهال په چاپېريال ساتنه کې د خلکو د ونډې او مسوولیتونو
په هکله هر اړخیزې خبرې وشوې او ویناوالو ټینګار وکړ چې د چاپېریالي مسایلو په تړاو
د خلکو د عامه پوهاوي کچې لوړولو په موخه باید مختلف پروګرامونه جوړ شي.
له ګډونوالو غوښتنه وشوه چې چاپېریال ساتنې ته جدي پاملرنه
وکړي او د ځنګلونو، ژوندبڼو، طبیعي سرچینو په ساتنه، د هوا او اوبو د ککړتیا په
مخنیوي کې د چاپېریال ساتنې ریاست سره هر اړخیزه همکاري وکړي.
د
نورستان ښاروال سيداحمد ارهابي د چاپېریالي ستونزو په هکله ګډونوالو ته معلومات وړاندې
کړل او له ټولو یې غوښتنه وکړه چې په چاپېریال ساتنه کې ونډه واخلي او له طبیعي
سرچینو څخه ګټوره استفاده وکړي.
په پای کې د اصنافو ریيس نوشير صافي د پلاستیک د استعمال د مخنیوي په موخه د ټولو
اصنافو په استازولۍ ژمنه وکړه او ډاډ يې
ورکړ چې موږ ټول به په ګډه د ښاري ککړتيا مخنيوی کوو.