وروستی
د وحشي ژوو او مرغانو د ښکار او قاچاق د مخنیوي په هکله ۶۵۰تنو پولیسو ته یو ورځنی ورکشاپ جوړ شو
۱۴۴۴کال
د ذالحجې 4مه/ میدان وردګ
د ریاست الوزرا عالي مقام د (۱۴۴) مه گڼه هدایت په اساس په ټول
هېواد د وحشي ژوو، مرغانو او کبانو ناقانونه ښکار بند دی په همدې اساس د چاپېریال
ساتنې ملي اداره په مرکز او ولایتونو کې د اړوندو ادارو په ګډه همکارۍ هڅه کوي چې
د مختلفو لارو چارو په وسیله د وحشي ژوو او مرغانو د ښکار او قاچاق مخنیوی وکړي چې
په دې لړ کې د میدان وردګو ولایت د چاپېریال ساتنې رئیس مولوي الله محمد ذاکر په
مشرۍ د عامه پوهاوي ټيم له خوا د میدان وردگو ولایت اړوند د توپ دښتې په ښوونیز او
روزنیز مرکز کې د اسلامي امارت (۶۵۰) تنو
پولیسو ته د وحشي ژوو او مرغانو د ښکار او قاچاق د مخنیوي او همدا راز د طبیعي سرچینو د اهمیت په هکله د یو ورځني روزنیز ورکشاپ په
ترڅ کې عامه پوهاوی ورکړل شو.
د ورکشاپ په پیل کې د میدان وردګو ولایت د چاپېریال ساتنې
رئیس مولوي الله محمد ذاکر گډنوالو ته د وحشي ژوو او مرغانو د ښکار او قاچاق د مخنیوي؛
چاپېریال ساتنې او طبیعي منابعو د اهمیت په اړه وینا وکړه او طبیعی منابع یې د هیواد
ملي شتمني وبلله چې باید ساتنه یې وشي. نوموړي وویل: امنیتي ساتونکي مکلف دي چې د
هیواد په هرځای کې د وحشي حیواناتو د
قاچاق، ښکار د مخنیوي او طبیعي منابعو د ساتنې په برخه کې خپل مسوولیت ادا کړي.
د ورکشاپ په لړ کې د عامه پوهاوي ټیم لخوا ګډونوالو ته د طبیعي
منابعو د اهمیت، وحشي ژوو او مرغانو د ښکار د مخنیوي او مهمو چاپیریالي مسایلو په
تړاو هر اړخیز معلوماتي پرزنټېشنونه وړاندې شول.
د وحشي ژوو، مرغانو او کبانو د ښکار او قاچاق په مخنیوي کې
باید ټول هېوادوال خپل ملي او دیني مسوولیت ادا کړي او د چاپېریال ساتنې ملي ادارې
سره همکار اووسي.