وروستی
د لوی اختر د رارسېدو په مناسبت د چاپیریال ساتني ملي ادارې
د
مبارکۍ پیغام
تر هرڅه وړاندي د چاپیریال ساتني ملي ادارې رهبري او
کارکوونکي د افغانستان د اسلامي امارت زعیم عالیقدر امیرالمومنین حفظه الله ، د
اسلامي امارت قدرمني رهبرۍ او تاسو درنو هیوادوالو ته د نېکمرغه لوی اختر د رارسېدو
په مناسبت د مبارکۍ مراتب وړاندي کوي.
ګرانو هیوادوالو!
لکه څرنګه چې تاسو ته معلومه ده لوی اختر د مسلمانانو د یووالي
نښه او د ابراهیم خلیل الله د سپېڅلې قربانۍ تلپاتی سنت دی.
د ویاړ او خوښۍ ځای دی چې سږنی اختر د آزادۍ په شېبو او په
هېواد کې د سرتاسري امنیت او سولې په ټینګښت کې لمانځو؛ الله تعالي دي د ټولو
مسلمانانو عبادات ، قربانۍ او په ځانګړې توګه د حج ستره فریضه پرخپل عظیم دربار
قبوله کړي.
نو په همدې اساس د چاپېریال ساتني ملي اداره له ټولو قدرمنو
هېوادوالو هیله کوي چې د قرباني شویو څارویو پاتې شونې (زبالې) په یوه مناسب ځای کې
دفن کړي ، ترڅو د چاپېریال د ککړتیا سبب ونه ګرځي.
د چاپېریال ساتني ملي اداره او د ښاروالیو تنظیفي ټیمونه په
پوره همږغۍ هڅه کوي څو پر وخت د قرباني شویو څارویو پاتې شونې راټول او مناسب ځای
ته یې انتقال کړي.
درنو
هېوادوالو!
د چاپیریال ساتني ملي اداره د یوه سالم او خوندي چاپېریال د
رامنځته کېدو په موخه ستاسو درنو هېوادوالو مرستي او همکارۍ ته اړتیا لري څو وکولای
شو راتلونکو نسلونو ته یو ښه او غوره چاپېریال په میراث پرېږدو.
یوځل بیا هم درته د نېکمرغه لوی اختر مبارکي وړاندي کوو ،
خدای ج مو عبادات او قربانۍ په خپل لوی دربار کي
قبول او منظور وګرځوه.
د چاپیریال ساتني ملي اداره