وروستی
د صنعتي او تولیدي فابریکو مسوولین د چاپېریالي اصولو پر تطبیق مکلف دي
۱۴۴۴کال
د مُحرم ۱نېټه/
ننګرهار
د ننګرهار ولایت د چاپېریال ساتنې ریاست نظارتي ټیم د چاپېریالي
اصولو د تطبیق په موخه تېره ورځ د جلال اباد ښار په ۷ناحیه کې د ننګرهار او المدینه
په نوم د المونیمي لوښو جوړولو له توليدي فابريکو او همدا راز ۵مه ناحیه کې د پلاستیکي پایپونو
جوړولو له یوې فابریکې څخه نظارت وکړ.
د نظارت په ترڅ کې د فابریکو مسوولینو ته موجوده نیمګړتیاوې
او چاپېریالي ستونزې په ګوته شوې؛ د چاپېریالي اصولو او مقرراتو په هکله معلومات
ورکړل شول او سپارښتنه ورته وشوه چې په خپلو فعالیتونو کې چاپيریالي شرايط او
مقررات تطبيق او رعايت کړي.
د چاپېريال ساتنې ملي اداره د صنعتي او توليدي فابریکو له مالکانو څخه جدي غوښتنه کوي چې په خپلو فعالیىتونو
کې چاپيریالي اصول تطبیق او رعایت کړي او همدا راز د هواککړتيا د مخنيوي مقررې د ۱۴ مادې د حکم پر بنسټ لس سلنه
ساحه د شنې ساحې (د نیالګیو او ونو) لپاره ځانګړې کړي.