وروستی
د پلچرخي په صنعتي پارک کې د ۱۷فابریکو له فعالیتونو څخه نظارت ترسره شو
۱۴۴۵کال
د مُحرم ۴نېټه/
کابل
د چاپېریال ساتنې ملي ادارې مفتشینو د چاپېریالي اصولو د تطبیق او کابل ښار د هوا
او اوبو د ککړتیا د مخنیوي په موخه د پلچرخي په صنعتي پارک کې د ۱۷تولیدي او صنعتي فابریکو له
فعالیتونو څخه نظارت وکړ.
د چاپېریالي چارو مفتشینو د فابریکو مالکینو ته چاپېریالي اصولو او شرایط بیان کړل
او سپارښتنه یې ورته وکړه چې خپل ورځني فعالیتونه د چاپېریال قانون مطابق ترسره کړي.
د یادونې وړ ده چې د چاپېریال ساتنې ملي ادارې مفتشین په مرکز او ولایتونو کې د
چاپېریال، اوبو او هواککړتیا د مخنیوي په موخه هره ورځ له تولیدي او صنعتي فابریکو
او همدا راز ټولو اصنافو څخه په جدي توګه نظارت کوي او سرغړوونکي د قانون منګولو
ته سپاري.
چاپېریال ساتنې زموږ ټولو ایماني او وجداني مسوولیت دی؛ راځئ چې خپل چاپېریال پاک
وساتو!