وروستی
د چاپېریالي اصولو د تطبیق په موخه د ریگریشنونو فعالیتونه و څارل شوه
۱۴۴۵کال
د صفر۸مه نېټه/
ننګرهار
د ننګرهار ولایت د چاپېـریال ساتنې ریاست نظارتي ټیم د چاپېریال
قانون د تطبیق په موخه د خیوې ولسوالۍ اړوند کوټه تاران په ساحه کی د ( ٤) کرش
پلانټونو له فعالیت څخه څارنه وکړه.
د کرش پلانټونو مسئولینو ته چاپـېریالي ستـونزې او نیمګړتیاوې په ګوته شوې او د هوا ککړتیا کچې را کمولو او
مخنیوي مقررې د (۱۴) مادې
په هکله ورته لازمې سپارښتنې وشوې چې په یاده ماده کې د لس فیصده شنې ساحې د پراختیا
په هکله یادونه شوې ده، او هم ورته د فعالیت اړوند چاپېریالي لارښـودونه تـشریح او
توزیع شول او د پلي کولو په موخـه ترې لیکلي ژمنې واخیستل شوې.
همدا
راز د کرش پلانټونو مالکانو ته سپارښتنې وشوې چې د فعالیت پر وخت کې اوبه استعمال
کړي، تر څو د ګرد او غبار مخه ونیول شي، سربېره پر دې د کرش پلانټونو مالکان چاپېـریالي
اجازه نامو اخیـستلو ته و هڅول شول.
د چاپېریال ساتنې ملي اداره له ټولو هېوادوالو غواړي چې چاپېریال
ساتنه خپل ملي او ایماني مسوولیت وګڼي؛ د هوا، اوبو او خاورې ککړتیا په مخنیوي کې
له دې ادارې سره همکاري وکړي.