وروستی
سلګونو زده کوونکو ته د ځنګلونو او وحشي ژوو د ساتنې په هکله عامه پوهاوی ورکړل شو
۱۴۴۵کال
د صفر ۲۲مه/
کونړ
د کونړ ولایت د چاپېریال ساتنې ریاست د مسوولینو له خوا تېره
ورځ په اسعدآباد ښار کې د عمراخان عالي لیسې سلګونو زده کوونکو ته د ځنګلونو او
وحشي ژوو د ساتنې، د ښکار د مخنیوي او اقلیمي بدلون ناوړه اغېزو په هکله عامه
پوهاوی ورکړل شو.
همدا راز له زده کوونکو وغوښتل شول چې په خپل کور او کلي کې
خلک چاپېریال ساتنې ته وهڅوي، د ځنګلونو، وحشي ژوو او مارغانو ساتنې په هکله هم
خلکو ته پوهاوی ورکړي.
زده کوونکو ژمنه وکړه چې چاپېریالي مسایل به خلکو ته بیانوي
او خپله به هم چاپېریال ساتنې ته جدي پاملرنه کوي.
چاپېریال ساتنه زموږ ټولو اخلاقي مسوولیت دی، راځئ چې په
خپل کور او کلي کې د چاپېریال ساتنې فرهنګ دود کړو!
