وروستی
په لښکرګاه کې د چاپېریال ساتنې په موخه عمومي حشر ترسره شو
۱۴۴۵کال
د صفر ۲۷مه/
لښکرګاه
د هلمند ولایت د چاپېریال ساتنې ریاست او لښکرګاه ښاروالۍ
په ګډه همکارۍ د چاپېریال ساتنې فرهنګ د ترویج په موخه په لښکرګاه ښار کې د پاک
کارۍ عمومي حشر ترسره شو.
په دې حشر کې د هلمند ولایت د چاپېریال ساتنې رئیس محمد عیسی
اغا، د ښاروالۍ ریاست مرستیال مولوي نېک محمد اُمتي، د اطلاعاتو او کلتورریاست په
استازیتوب مولوي سلطان محمد حنیف، د ښاروالۍ ریاست د مطبوعاتو مسؤل محمد طاهر
ابشار، ګذر وکیلانو او یو شمېر نورومسؤلینو ګډون درلود.
د یادو مراسمو په پیل کې د ښاروالۍ مرستیال وویل: حشر زموږ
دودیز او عنعنوي کاردی.
نوموړي زیاته کړه:موږ له ډېر پخوا څخه د حشر په واسطه زیات
او ستونزمن کارونه مخته وړي دي.
ده وویل موږ په ننني حشر کي له شپږو ناحیو څخه کارکوونکي راټول
کړي؛ ترڅو په لومړۍ او دویمه ناحیو کې د ښار د پاکۍ پروسه مخته یوسي. نوموړي ټینګار
وکړ چې موږ به په راتلونکي کې په ټولو هغو ناحیو کې هم دودیز حشرونه وکړو په کومو
کې چې ضرورت وي.
د هلمند ولایت د چاپیریال ساتنې رئیس محمد عیسی اغا وویل: ټول
باید د ښار په پاکوالي کې پوره هڅه وکړو، ده زیاته کړه: د ښار هر اوسیدونکی باید ځان د ښاروالۍ کارمند
وبولي ترڅومو د ښار ښکلا نوره هم زیاته سي.
همداراز نوموړي وویل ټول ښاریان باید کچره و کچره دانیو ته ورسوي چې په دې سره به هم د ښاروالۍ کارکوونکي په اسانتیا سره کچرې راټولي کړي او هم به ښار صفا وي.
د ښاروالۍ د مطبوعاتو مسؤل وویل موږ ټولو ښاریانو ته توصیه
کړې چې دښار په پاکوالي کې د اړوند مسؤلینو سره پوره همکاري وکړي.
نوموړي
وویل موږ په ننني حشر کې سلګونه تنه ځوانان راټول کړي چې د ښار ټولې لارې، کوڅې او
ویالې پاکې کړي.
ویناوالو
له ټولو ښاریانو غوښته وکړه چې چاپېریال ساتنې جدي پاملرنه وکړي او د ښار پاکوالي
او سمسورتیا لپاره اړوندو ادارو سره پوره همکاري وکړي.