وروستی
د ځنګلونو له وهونکو سره جدي چلند کیږي او د قانون منګولو ته به وسپارل شي
۱۴۴۵کال
د ربیع الاول ۸مه/کونړ
د کونړ ولایت د چاپېریال ساتنې ریاست مسوولینو د ځنګلونو او وحشي ژوو د ساتنې او ښکار
د مخنیوي په موخه د ماڼوګي ولسوالۍ له
ولسوال او قومي مخورو سره جلا جلا ناستې ترسره کړې، په دې لیدنو کې د چاپېریال
ساتنې ریاست مسوولینو د ماڼوګي له ولسوال او قومي مشرانو وغوښتل چې د ځنګلونو او
وحشي ژوو ساتنې ته جدي پاملرنه وکړي او هر هغه څوک چي ځنګلونه وهي د قانون منګولو
ته وسپاري.
د یادې ولسوالۍ مسوولینو او قومي مشرانو د همکارۍ ژمنه وکړه او د ځنګلونو او وحشي
ژوو ساتنه یې خپل مسوولیت وباله او تعهد یې وکړ چې د ښکار مخنیوی به کوي.
همد راز د چاپېریال ساتنې ریاست مفتشینو د چاپېریالي اصولو د تطبیق په موخه په
اسعد آباد ښار کې له یو شمېر اصنافو څخه نظارت وکړ او مالکینو ته یې سپارښتنه وکړه
چې چاپېریالي اصول مراعت او چاپېریال ساتنې ته جدي پاملرنه وکړي.