وروستی
په لغمان کې یو شمېر الوتونکي د ښکاریانو له منګولو خلاص او خوشې شول
۱۴۴۵کال
د ربیع الاول ۱۳نېټه/
لغمان
د لغمان ولایت د چاپېریال ساتنې ریاست د ښکار د مخنیوي په
موخه د ریاست الوزرا عالي مقام د (۱۱۴) ګڼه
حکم د تطبیق په موخه د وحشي ژوو، ماهیانو او الوتونکو د بې رحمانه ښکار د مخنیوي
کمپاین پیل کړی، د چاپېریال ساتنې ریاست د خپل وظیفوي مسؤلیت له مخې د ښکار د مخنیوي
لپاره له امنیتي ادارو سره په همغږۍ یو لړ مؤثر اقدامات ترسره کړي دي.
یوځل بیا هم د ښکار موسم رارسیدو سره سم د لغمان ولایت د
چاپیریال ساتنې ریاست د امنیتي ارګانونو سره په ګډه د ښکار د مخنیوي پراخ کمپاین پیل
کړی دی چې د یاد کمپاین په لومړۍ ورځ د یاد ولایت مرکز پورې اړوند د طبۍ کونج ښکاري
ساحې څخه لیدنه ترسره کړه چې ځینې د ښکار وسایل یې ضبط کړل، ښکاریانو ته یې د یاد
عمل څخه د ځان ساتنې توصیې او لارښوونې وکړې او یو شمیر الوتونکي چې له ښکاریانو څخه
نیول شوي ول دوباره طبیعت ته خوشي شول .
د لغمان ولایت د چاپیریال ساتنې ریاست د یاد ولایت له ټولو
اوسیدونکو څخه هیله کوي چې د وحشی ژوو، کبانو او الوتونکو د هر ډول ښکار څخه په
کلکه ډډه وکړي، د سرغړوونکو سره قانوني چلند کیږي او د هیوادوالو څخه مو غوښتنه ده
ترڅو په دې برخه کې د چاپیریال ساتنې ریاست له کارکوونکو او امنیتی مسولینو سره
مرسته او همکاري وکړي
