وروستی
د چاپېریال ساتنې ملي ادارې کارکوونکو ته اصلاحي وینا وړاندې شوه
۱۴۴۵کال
د ربیع الاول ۲۰مه
نېټه/ کابل
د چاپېریال ساتنې
ملي ادارې د دعوت او ارشاد رياست له لوري د اصلاحي ويناوو په لړ کې نن د ربیع
الاول په ۲۰مه
نېټه د دې ادارې ټولو کارکوونکو او مسوولینو ته "په نیکو کارونو کې د مشرانو
د اوامرو د اطاعت، د سنتو د عملي کولو، حجاب مراعتولو، تعلیم او تعلم د ارزښت"
په تړاو د اطلاعاتو او فرهنګ وزارت د دعوت او ارشاد رئیس مفتي محمد طیب له خوا هر
اړخیزه اصلاحي وینا وړاندې شوه.
د غونډې په پیل کې د قران عظیم الشان مبارک آیتونه ولوستل
شول ورپسې د اطلاعاتو او فرهنګ وزارت د دعوت او ارشاد رئیس مفتي محمد طیب ګډونوالو
ته خپله وینا وړاندي کړه.
نوموړي وویل: اسلامي امارت مکلف دی چې ټولنه د نیکیو لور ته
سوق او له بدیو وژغوري، ده زیاته کړه: له اوږدې جګړې او شل کلن اشغال وروسته
افغانستان د نورو پرمختګونو ترڅنګ اصلاحاتو ته ضرورت لري چې فعلاً د اسلامي امارت
مشرانو لخوا دا شفقت شوی او په ټولو امارتي ادارو کې تعلیم الاسلام ته زمینه
برابره شوې او عملا تدریسیږي.
ښاغلي طیب ټینګار وکړ چې مېرمنې باید په دولتي ادارو، له
کورونو بهر او په کورونو کې حجاب مراعت کړي او همداراز تعلیم او تعلم ته ځانګړې
پاملرنه وکړي.
د دعوت او ارشاد رئیس له مسوولینو او کارکوونکو وغوښتل چې
خپل ژوند د الهي اوامرو مطابق عیار او پر ځان او کورنۍ د نبوي سنتو تطبیق ته
جدي پاملرنه وکړي.
