وروستی
د مختلفو چاپېریالي مسایلو په هکله سلګونو تنو ته عامه پوهاوی ورکړل شو
۱۴۴۵کال ربیع الاول۲۲مه نېټه/ بلخ-غزنی
د بلخ ولایت د چاپېریال ساتنې رئیس مولوي محمد محمدي په هېوادوالو
کې د چاپېریال ساتنې فرهنګ ترویج په موخه د دهدادي ولسوالۍ د شیرآباد کلي جامع
جومات په سلګونو تنو مقتدیانو ته (د قراني آیتونو او نبوي سنتو له نظره د چاپېریال
ساتنې ارزښت) تر عنوان لاندې د مختلفو چاپېریالي مسایلو په تړاو عامه پوهاوي ورکړ.
همدا راز د غزني ولایت د چاپېریال ساتنې ریاست د عامه
پوهاوي ټیم له خوا په اجرستان ولسوالۍ کې د عامه پوهاوي غونډه جوړه شوې وه چې پکې
د یادې ولسوالۍ مسوولینو، علمای کرام، قومي مشرانو او ځوانانو ګډون کړی وو او د ځنګلونو،
څړځایونو، طبي نباتاتو او وحشي ژوو د ساتنې په هکله ورته معلومات ورکړل شول.
د غونډې په پای خلکو ته چاپېریالي پیغامونه وویشل شول او
همداراز د چاپېریال ساتنې ۴۵کسیزه رضاکاره شورا جوړه شوه چې د چاپېریال ساتنې ریاست
سره به د ځنګلونو د وهلو او وحشي ژوو د ښکار د مخنیوي په برخه کې همکاري کوي.
چاپېریال ساتنه د ټولو هېوادوالو دیني او اخلاقي مسوولیت دی؛
راځئ چې خپل چاپېریال پاک او ښېرازه وساتو!