وروستی
د اقليمي بدلون سره د سازښتي پروژې څخه ليدنه
د چاپېریال ساتنې ملي ادارې عمومي رییس شاه زمان میوندي د اقليمي بدلون سره د سازښتي پروژې، چې د بلخ ولایت په خًلم ولسوالۍ کې ده، لیدنه وکړه. دغه پروژه چې د ۹ میلیونو ډالرو په ارزښت، د GEFچاپېریالي اسانتیاوو په مرسته پلي شوې ده، د ملګرو ملتونو UNDP د پراختیايي برنامې په مرسته د اوبولګولو وزارت په همکارۍ، په بلخ، ارزګان، پنجشیر او هرات ولایتونو کې پلي کیږي. د دغه پروژې عملي چارې د ۲۰۱۴ کال په اپرېل میاشت کې پیل او هیله ده، چې د ۲۰۱۹ کال په ډسمبر میاشت کې پای ته ورسیږي. د دې پروژې موخه په افغانستان د اوسېدنې د ګزينو د انعطاف پذيرۍ غښتليا ګڼل شوې ده. د چاپېریال ساتنې ملي اداره د يو ارتباطي عملياتي بنسټ په توګه د نړیوال چاپېریالي تسهيلاتو لپاره په دې پروژه کې اساسي رول لري او دا د چاپېريال ساتنې ملي ادارې د سازښت اوعمل په ملي پلان کې د وړاندې شويو موخو د ترلاسه کولو لپاره يو مهم ګام بولي. دغې ادارې د یادې پروژې له پیل نه تر اوسه، د دغې پروژې څارنه په جدي توګه ترسه کړې او د دغې پروژې د کاري ټیم سره یې هر اړخیزه همکاري کړې ده. د چاپېریال ساتنې ملي ادارې تر ټولو تازه خبر چې بلخ ته د عمومي رییس د سفر په ترڅ کې او د یادې پروژې له لیدنې او څار څخه لاسته راغلی دی دا دی، چې له ۲۲ زره زیات د ناجو او پیستو نیالګي ورسره په وده راغلي، که څه هم د یادو نیالګیو د اوبولو سیستم قطره یي دی.