وروستی
د ميلکو شېدو د توليد او د پنبې د پروسس ۴ فابریکو له فعالیتونو څخه څارنه وشوه
۱۴۴۵کال
د ربیع الثاني ۹/کندهار
|د کندهار ولایت د چاپېریال ساتنې ریاست نظارتي ټیم د چاپېریالي
اصولو د تطبیق په موخه په ښوراندام صنعتي پارک کې د ميلکو شېدو د توليد او پروسس
او همدا راز د پنبې د پروسس د ۴
فابریکو له فعالیتونو څخه نظارت وکړ.
د چاپېریالي چارو نظارتي ټیم د میلکو شېدو د تولید او پروسس
فابریکې فعالیت مثبت و ارزاوه چې د معياري
فلټر، مجهز لابراتوار، د کارمندانو منظم
لباس او د حفظ الصحې مراعت په اصولي او معياري ډول تطبیق او چاپېریالي اصول پکې
مراعت شوي وو.
همدا راز د پنبې د پروسس فابريکو چې تر څنګ یې د غوړیو او
صابون د توليد په برخه کې هم فعاليت کاوه نظارت ترسره شو او مسوولینو ته یې د مفتشینو
لخوا چاپېریالي قوانین او اصول بیان شول او سپارښتنه ورته وشوه چې خپل فعالیتونه د
چاپېریالي اصولو مطابق ترسره کړي چې د سرغړونې په صورت به له قانوني چلند سره مخ
شي.
چاپېریال ساتنه زموږ ټولو مسوولیت دی؛ راځئ چې خپل فعالیتونه
د چاپېریالي اصولو مطابق عیار کړو!