وروستی
د هواککړتیا راکمولو او چاپېریالي اصولو د تطبیق په موخه د ۳۴فابریکو له فعالیتونو څخه څارنه وشوه
۱۴۴۵کال
د ربیع الثاني ۱۳مه/
کابل
د چاپېریال ساتنې ملي ادارې نظارتي ټیمونو د چاپېریالي
اصولو د تطبیق او هواککړتیا راکمولو په موخه د تېرو څو ورځو په لړ کې د کابل ښار د
پلچرخي په صنعتي پارکونو کې د (۱۸) فابریکو؛
د ده سبز په صنعتي پارک کې د (۸) فابریکو
او همدا راز د ارغندي په صنعتي پارک کې د (۸) فابریکو له فعالیتونو څخه څارنه ترسره کړې ده.
د چاپېریالي چارو مفتشینو د فابریکو مسوولینو ته د چاپېریال
قانون او مقرراتو په هکله لازم معلومات ورکړل او سپارښتنې یې ورته وکړې خپل فعالیتونه
د چاپېریالي اصولو مطابق عیار کړي.
د
نظارت په لړ کې د فابریکو مسوولینو ته چاپېریالي ستونزې ور په ګوته شوې او لیکلې
ژمنې ترې واخیستل شوې چې خپل فعالیتونو به معیاري کوي او که د بیاځلي نظارت په
صورت کې چاپېریالي سرغړونې ولیدل شي اصولي چلند به ورسره وشي.
هغه فابریکې او فعالیتونو چې په خپلو ورځنیو چارو کې د چاپېریالي
اصولو او مقرراتو څخه سرغړونه وکړي د قانون منګولو ته به وسپارل شي.
د چاپېریال ساتنې ملي اداره له ټولو هېوادوالو غواړي چې چاپېریال
ساتنه خپل ملي او ایماني مسوولیت وګڼي؛ د هوا، اوبو او خاورې ککړتیا په مخنیوي کې
له دې ادارې سره دوامداره همکاري وکړي.