وروستی
د چاپېریال ساتنې ملي اداره د ژمي په رارسېدو سره د هوا ککړتیا د مخنیوي لپاره بشپړ چمتووالی لري
۱۴۴۵کال
د ربیع الثاني ۲۹مه/
کابل
دا څرګندوني د چاپېریال ساتني ملي ادارې عمومي رئیس ددې
ادارې ولایتي رئیسانو او همکارانو ته د یو ورکشاپ په ترڅ کي وکړې
د چاپېریال ساتنې ملي ادارې نن د ۱۴۰۲کال د لړم په ۲۲مه نېټه د دې ادارې د ۱۵ ولایتونو د چاپېریال ساتنې
رئیسانو او مسلکي کارکوونکو لپاره "د چاپیریالي او ټولنیزو اغیزو د ارزونې
پروسې په اړه د ظرفیت لوړولو " تر عنوان لاندې درې ورځنی روزنیز ورکشاپ جوړ کړ.
ورکشاپ د قران عظيم الشان د مبارکو آیتونو په تلاوت پیل شو
، د چاپېریال ساتنې ملي ادارې عمومي رئیس حافظ عزیز الرحمن وویل د دې ورکشاپ د جوړولو
هدف دا دی چې موږ باید د خپل وظیفوي مسوولیت په تړاو ظرفیت لوړ کړو او راکړل شوي
مسوولیتونه په احسنه توګه ادا کړو.
نوموړي وویل: په تېرو شلو کلونو کې سره له دې چې افغانستان
ته ډېرې زیاتې پیسې راغلې، خو چاپېریالي مسایلو ته هیڅ پاملرنه نه ده شوې، کابل ښار
په ناپلانه توګه وده کړې او اوس موږ له ډیرو زیاتو چاپېریالي ستونزو او ننګونو سره
مخ یو. ده زیاته کړه: له نیکه مرغه د اسلامي امارت په راتګ سره چاپېریال ساتنې ته
جدي پاملرنه شوې، د چاپېریال ساتنې ملي ادارې د هواککړتیا راکمولو او مخنیوي لپاره
بشپړ تدابیري پلان جوړ کړی.
د کابل ښار د فاضلابو د کنټرول لپاره د معیاري تصفیه خانو د
جوړولو پر طرحي کار روان دی؛ په هیواد کې د صنعتي او تولیدي فابریکو، فعالیتونو او
همداراز لوړپوړیزو ودانیو څخه په جدي توګه نظارت کیږي؛ د ټرافیکو ریاست په همغږۍ د
زړو او دود کوونکو موټرونو د توقف لړۍ پیل شوې او د ټولو ککړوونکو سرچینو مسوولینو
ته خبرداری ورکړل شوی ترڅو معیاري فلټرونه ولګوي چې د سرغړونې په صورت کې به ورسره
قانوني چلند وسي.
ښاغلي حافظ پر نړۍوالو غږ وکړ چې چاپېریالي مسایل سیاسي نه
کړي او د دې ادارې تعلیق شوې چاپېریالي پروژې دې بیا پیل کړي؛ ځکه دا بشري موضوعات
دي او ګټه یې یوازې ولس ته رسیږي.
د ورکشاپ په لړ کې به د دې ادارې د متخصصینو له خوا ولایتي
رئیسانو او مسلکي کارکوونکو ته د مختلفو تخنیکي او مسلکي مسایلو په هکله معلوماتي
پرزنټېشنونه وړاندې شي او په عملي توګه به ورته د چاپېریالي چارو د ارزونې او
نظارتي پروسې په هکله معلومات ورکړل شي.
