وروستی
د چاپیریالي او ټولنیزو اغیزو د ارزونې پروسې په اړه درې ورځنی روزنیز ورکشاپ پای ته ورسید
۱۴۴۵کال
د جمادي الاول ۲مه/
کابل
"د چاپیریالي او ټولنیزو اغیزو د ارزونې
پروسې په اړه د ظرفیت لوړولو " تر عنوان لاندې درې ورځنی روزنیز ورکشاپ چې د
چاپېریال ساتنې ملي ادارې له خوا د ۱۴۰۲کال
د لړم په ۲۲مه
نېټه د دې ادارې د ۱۵
ولایتونو د چاپېریال ساتنې رئیسانو او مسلکي کارکوونکو لپاره جوړ شوی وو؛ د مختلفو
چاپېریالي پروسو په تړاو د نظري او عملي فعالیتونو په ترسره کولو نن د عقرب په ۲۴مه نېټه د تصدیق پاڼو په ویشلو
پای ته ورسېده.
په دې روزنیز ورکشاپ کې د ۱۵ولایتونو د چاپېریال ساتنې رئیسانو
او مسلکي کارکوونکو د مختلفو مسایلو ( د صنعتي فابریکو او فعالیتونو د چاپېریالي
اغیزو د ارزونې او نظارت، د چاپېریالي جوازونو د ویش پروسه کې د سهولت رامنځه کول،
د نظارتي لړیو ګړندي کېدل
او په ټوله کې د عالیقدر امیر المومنین حفظه الله د فرمان د تطبیق په موخه پانګوالو او سوداګرو ته د کاري اسانتیاوو رامنځته کېدلو په هکله لازم معلوماتي پرزنټېشنونه وړاندې شول او په عملي توګه د ځینو صنعتي فابریکو او فعالیتونو څخه نظارت ترسره شو.
د ورکشاپ په پای کې ولایتي رئیسانو خپل نظرونه، وړاندیزونه
او ستونزې د ادارې له مشرتابه سره شریکې کړې او د چارو د پیاوړتیا په خاطر یې د
اقداماتو غوښتنه وکړه.
د چاپېریال ساتنې ملي ادارې عمومي رئیس حافظ عزیز الرحمن او
د دې ادارې پالیسي او مسلکي معین ډاکټر زین العابدین عابد ولایتي رئیسانو ته لازمې
لارښوونې وکړې
او سپارښتنه یې ورته وکړه چې چاپېریالي مسایلو ته جدي پاملرنه وکړي، د والي صاحبانو او اړوندو ریاستونو او موسساتو سره ښه همغږي ولري،
د کارونو د چټکتیا لپاره د موجوده امکاناتو څخه اعظمي ګټه پورته کړي، د ځنګلونو او وحشي ژوو ساتنې ته پاملرنه وکړي، د ښکار د مخنیوي لپاره باید جدي اقدامات وشي او په پوره اخلاص د خپلو هېوادوالو خدمت وکړي.
یاده غونډه د تصدیق پاڼو په ویشلو سره پای ته ورسېده.