وروستی
حصارک ولسوالۍ ته د عامه پوهاوي او ساتل شوو سیمو په اړه د معلوماتو او ارقامو را ټولولو په موخه ټیم استول شوی
۱۴۴۵کال
د جمادي الاول ۵
نېټه / ننګرهار
د ننګرهار ولایت د چاپېریال ساتنې ریاست د طبیعي میراثونو
او عامه پوهاوي مدیریتونو کارمندانو د چاپېریال ساتنې په هکله د خلکو د عامه
پوهاوي، د طبیعي سرچینو خوندیتوب، د ساتل شوو ساحو د نومونې، اعلان او تنظیم په
موخه د حصارک ولسوالۍ ته رسمي سفر تر سره کړ.
د
چاپېریال ساتنې ملي ادارې د ساتل شوو سیمو د سیستم پلان له مخې چې په پام کې لري
تر (۲۰۳۰) میلادي
کال پورې د هېواد (۱۰) سلنه
مساحت د ساتل شوو سیمو په توګه تعین او اعلان کړي، په همدې موخه د حصارک ولسوالۍ
مسئولینو، اړوند ادارو کارمندانو، قومي مشرانو او ځایي خلکو سره بېلابېلې ناستې
ترسره شوې، د چاپېریال ساتنې کارمندانو لخوا دولتي مسؤلینو، قومي مشرانو او عامو
خلکو ته د ساتل شوو ساحو د اهمیت، ارزښت او محدودیتونو په اړه بشپړ معلومات ورکړل
شول او د هغوی څخه په یاده ولسوالۍ کې د ساتل شوې ساحې د رامنځته کولو په موخه
موافقه ترلاسه کړه او د هر راز همکاریو ژمنه یې وکړه.
د یادې ولسوالۍ د پوهنې آمریت مسئولینو سره د چاپېریال ساتنې
په تړاو د عامه پوهاوي د پروګرامونو د تطبیق او په ټولو ښوونځیوکې د ښوونکو لخوا
زده کوونکو ته د چاپېریال ساتنې، ککړتیا مخنیوي، د ځنګلونو اهمیت او د قطع مخنیوي،
د ونو او بوټو د اهمیت په موخه لازم معلومات ورکړل شي.
د سفر په لړ کې د حصارک ولسوالۍ په مرکزي لیسه او د عالم کڅ
په متوسطه ښوونځي کې د چاپېریال ساتنې ریاست
د عامه پوهاوي ټیم له خوا سلګونو زده کوونکو ته د چاپېریال ساتنې، د ځنګلونو او
ونو د اهمیت او د قطع کولو د مخنیوي په هکله عامه پوهاوی ورکړل شو.