وروستی
د اوزون پوړ د ساتنې په برخه کې د پروژو د بیا پیل په هکله د (UNIDO) له استازي سره غونډه وشوه
۱۴۴۵کال
د جمادي الاول ۲۹مه/
کابل
د چاپېریال ساتنې ملي ادارې پالیسي او مسلکي معین ډاکټر زین
العابدین عابد په خپل کاري دفتر کې د ۱۴۰۲کال
د لیندۍ په ۲۱مه
نېټه د(UNIDO)
ملګرو ملتونو د صنعتي پراختیایي سازمان له استازي ښاغلي اننو فکایا سره د اوزون پوړ
د ساتنې په برخه کې د پروژو د بیا پیلیدو په تړاو غونډه وکړه.
په دې غونډه کې چې د دې ادارې د اقلیمي بدلون رئیس او تخنیکي
ټیم هم ګډون کړی وو، د هایدرو کلورو فلورو کاربن ګازونو (HCFC-22) د حذف او د مونټریال پروتوکول مطابق ورته د بدیل پیداکولو، په دې
برخه کې د خلکو د عامه پوهاوي کچې لوړولو او کیګالي تعدیلاتو په هکله هر اړخیز بحث
او خبرې وشوې. همدا راز د ارقامو په شریکولو، ګډه همغږۍ، د اوزون پوړ ویجاړوونکو ګازونو
په تړاو راپور ورکول، د ادارې او کار او ټولنیزو چارو وزارت تر منځ د تفاهم لیک
امضا کولو په تړاو هوکړه وشوه.
په پای کې د (UNIDO)
استازي ښاغلي اننو فکایا د دې ادارې د بند امیر غونډو په تالار کې د اقلیمي بدلون
ریاست تخنیکي ټیم ته د ذکر شوو موضوعاتو په هکله معلوماتي پرزنټیشن وړاندې کړ.
