وروستی
د هواککړتیا مخنیوی د چاپېریال ساتنې ملي ادارې له کاري لومړیتوبونو څخه دی
۱۴۴۵کال د جمادي الاول ۳۰/ننګرهار-غزني
د هواککړتیا راکمولو او مخنیوي په موخه د ننګرهار او غزني
ولایتونو د چاپېریال ساتنې ریاستونو مفتشینو په جلال آباد ښار کې د ننګ روغتون او
په غزني کې د ګل حسین غزنوي په نوم د صابون او غوړیو جوړونې شرکت له فعالیتونو څخه
څارنه وکړه. همدا راز د غزني ولایت د چاپېریال ساتنې ریاست له خوا د چاپېریالي
اصولو د تطبیق په موخه د ۱۰مختلفو
اصنافو مالکینو ته چاپېریالي جوازونه ورکړل شول.
د چاپېریالي چارو مفتشینو د روغتون، صابون جوړونې شرکت او اصنافو مسوولینو ته د
چاپېریال قانون، مقرراتو او اصولو په هکله اړین معلومات ورکړل او سپارښتنه یې ورته
وکړه چې د هواککړتیا راکمولو او مخنیوي په موخه دې خپل فعالیتونه د چاپېریالي
اصولو او مقرراتو مطابق عیار او ترسره کړي.
د فابریکو او هر ډول فعالیتونو مسوولین باید د ګران هېواد د تل پاتې پرمختګ، د
اوسنيو او راتلونکو نسلونو د ژوندانه د خونديتوب او هوساينې په موخه باید خپل
فعاليتونه له ملي او نړيوالو چاپېریالي نورمونو او ستندرونو سره برابر او همدا راز
د هوا ککړتيا د کچې راټيټولو او مخنيوي مقررې د ۱۴ مادې د حکم په اساس د خپل
فعاليت لس سلنه ځمکه شنې او زرغونې ساحې ته ځانګړې کړي او ډول ډول زينتي ونې او بوټي باید پکې وکري.