وروستی
لښکرګاه ښار کې د پاکوالي عمومي حشر ترسره شو
۱۴۴۵کال
د جمادي الثاني۲۰/ هلمند
د هلمند ولایت د چاپېریال ساتنې ریاست د لښکرګاه
ښاروالۍ په همکارۍ د ښار د پاکولو په موخه عمومي حشر ترسره کړ.
په دې حشر کې د چاپېریال ساتنې ریاست مسوولینو، لښکرګاه ښاروالۍ مرستیال، د اړوندو
امارتي ادارو مسوولینو، ګذر او صنفي وکیلانو او ګڼ شمېر ځوانانو ګډون کړی وو.
د حشر د پیل په مراسمو کې مسوولینو د چاپېریال ساتنې او ښار د پاکوالي په اړه ارزښتمنې
ویناوې وکړه او له ښاریانو یې وغوښتل چې په چاپېریال ساتنه او د ښار په پاکوالي کې
خپل ملي او وجداني مکلفیت ادا کړي.
د ښار د پاکولو حشر د لښکرګاه ښار په لومړۍ، دویمه او دریمه ناحیو کې ترسره شو چې
په راتلونکي کې به د چاپېریال ساتنې فرهنګ ترویج په موخه د ښار په ټولو ناحیو کې
ترسره شي.
چاپېریال ساتنه زموږ ټولو دیني او ملي مسوولیت دی، راځئ چې خپل چاپېریال
پاک او سمسور کړو!