وروستی
د ځنګلونو د ساتنې او ښکار د مخنیوي په هکله د قلعهبُست او ریګستان سیمو مشرانو سره مشورتي غونډه وشوه
۱۴۴۵کال
د جمادي الثاني۲۲/ هلمند
د هلمند ولایت د چاپېریال ساتنې رئیس ملا محمد عیسی اغا په
مشرۍ د قلعه بُست او ریګستان سېمو د مشرانو او د چاپېریال ساتنې رضاکاره شورا غړو
سره د ځنګلونو، څړځایونو او وحشي ژوو د ساتنې او همدا راز د مرغانو او کبانو د ښکار
د مخنیوي په موخه د عامه پوهاوي ناسته ترسره شوه .
د غونډې په لړ کې د شورا غړو او د سیمې مشرانو ته د چاپیریال
قانون، مقرراتو او طرزالعملونو په هکله معلومات ورکړل شول او د ښکار د مخنیوي په
هکله ورته د ریاست الوزرا عالي مقام حکم واورول شو.
د دې ریاست د عامه پوهاوي ټیم له خوا د غونډې ګډونوالو ته د
ځنګلونو، څړ ځایونو، شنو ساحو، وحشي ژوو او مارغانو د ارزښت په اړه هر اړخیز
معلومات او پوهاوی ورکړل شو.
په پای کې د قلعه بُست او ریګستان سېمو د چاپېریالي وضعیت څخه
نظارت ترسره او د سیمې مشرانو او مجاهدینو د هر راز همکارۍ ژمنه وکړه.
چاپېریال ساتنه د ټولو هېوادوالو دیني او ملي مسوولیت دی؛
راځئ چې د چاپېریال ساتنې په برخه کې د حکومت ملاتړ وکړو!