وروستی
ننګرهار کې د طبي پاتې شونو د تنظیم کمېټې نوبتي غونډه وکړه
۱۴۴۵کال د رجب۲۰مه/ننګرهار
د ننګرهار ولایت د چاپېریال ساتنې رئیس فېروز محمدزئي په
مشرۍ د بېلابېلو ادارو د استازو په ګډون د طبي پاتې شونو د تنظیم ولایتي کمېټې
نوبتي غونډه وکړه چې پکې د ننګرهار ولایت مقام، عامې روغتیا ریاست، ننګرهار
پوهنتون، د خصوصي روغتونونو اتحادیې، د لابراتوارونو او معاینه خانو اتحادیې، جلال
آباد ښاروالۍ، او نورو دولتي ادارو مسؤلینو او استازو ګډون کړی وو او د طبي پاتې د
سالم مدیریت په هکله هر اړخیزه بحث ترسره شو.
په غونډه کې پرېکړه وشوه چې د جلال آباد ښار د ټولو ناحیو
او ولسوالیو روغتنونو او کلینيکونو د طبي پاتې شونو ارزونه دې وشي او بشپړ معلومات
د کمېټې لخوا د عامې روغتيا له رياست سره شریک شي؛ ترڅو چاپېریال او انساني روغتیا
ساتنه خوندي شي.
د روغتونونو او کلینیکونو مسوولینو ته لارښوونه وشوه چې طبي
زبالې باید په منظیم ډول انتقال او په انسنراتورونو کې وسوځول شي.
