وروستی
د چاپېریال ساتنې ملي ادارې کارکوونکو ته د امیر د اطاعت او ملت ته د خدمت په هکله اصلاحي وینا وړاندې شوه
۱۴۴۵کال
د شعبان ۱۸نېټه/کابل
د چاپېریال ساتنې ملي ادارې د دعوت او ارشاد رياست له لوري د اصلاحي ويناوو په لړ
کې نن پنج شنبه د کب په ۱۰مه
نېټه د دې ادارې د کول حشمت خان غونډو په تالار کې د مفتي محمد طاهر صاحب
لخوا "د امیر د اطاعت او ملت ته د
خدمت" په هکله اصلاحي وینا وړاندې شوه چې پکې د دې ادارې ټولو کارکوونکو او
مسوولینو ګډون کړی وو.
یاده غونډه د قران کریم مبارکو آیتونو په تلاوت پیل شوه ورپسې مفتي محمد طاهر صاحب
د اولی الامر اطاعت، پر حکماوو او مامورینو د ملت حق او پوره اخلاص سره د خپلې دندې
ترسره کولو په تړاو هر اړخیزه اصلاحي وینا وړاندې کړه.
ښاغلي طاهر د دې ادارې له مسوولینو او کارکوونکو وغوښتل چې خپلې دندې په پوره
اخلاص او امانتدارۍ ترسره کړي؛ هېواد او هېوادوالو ته په صداقت سره خدمت وکړي، پر
خپل ملت او خلکو شفقت وکړي، د یوه کار د ترسره
کېدو په بدل کې باید د خلکو ډالۍ او تحفې وانخلي ځکه دا په مطلق ډول حرام او ناروا عمل دی، دا وطن پر موږ ټولو حق لري باید د پرمختګ او ملت د هوساینې لپاره سره لاسونه یو کړو او په ګډه کار وکړو.
