وروستی
میدان وردگو کې د نیالګیو کېنولو پروګرام پیل شو
۱۴۴۵کال د رمضان ۹/ میدان وردګ
د میدان وردګو ولایت د چاپېریال ساتنې ریاست او نیالگیو کېنولو
ولایتي کمیټې لخوا په میدانښار کې د نیالګیو کینولو پروګرام (دنیالگي کېښودل د
وچکالۍ له منځه وړل) تر شعار لاندې پیل شو.
په دې مراسمو کې د میدان وردګو والي قاري بختیار معاذ، مرستیال
والي حافظ سیدالرحمن، د میدانښار ښاروال، د ملکي او نظامي ادارو رئیسانو او
کارکوونکو، د سرې میاشتی رضاکارانو ، دیني عالمانو، قومي سپین ږیرو ، د رسنیو
استازو او ځوانانوګډون کړی وو.
غونډه
د قرانکریم د مبارکو ایتونو په تلاوت پیل شوه ورپسې د میدان وردګو والي قاري بختیار
«معاذ» د نیالګیو د اهمیت او ګټو په هکله هر اړخیزې خبرې وکړې. ښاغلي معاذ اړوندو
ادارو ته دنده وسپارله چې د نیالګیو ساتنې، پالنې او پر وخت ورته د اوبو رسولو په
موخه چمتوالی ولري او هغه نیالګي کینوي چې د دغه ولایت د هوا او اقلیم سره توافق
ولري.
د میدان
وردګو ولایت د چاپېریال ساتنې رئیس مولوي الله محمد ذاکر د نیالگیو کینولو په
اسلامي، اقتصادي، معنوي او صحي ارزښت خبرې وکړې او خلکو ته یې د نیالگیو د کېنولو
سپارښتنه وکړه .
همدارنګه د میدانښار ښاروال مولوي عبدالله درویش په ولسونو
غږ وکړ چې ټول وګړي باید یو یو نیالګی کېنوي ترڅو خلکو ته یې ګټه ورسیږي او هم به یې
د ولایت په زرغونتیا کې یې برخه اخیستې وي، نوموړي زیاته کړه د را روان ۱۴۰۳لمریز کال لپاره د ښاروالۍ
لخوا په ښار کې ۱۳۵۰ زینتي نیالګي کینول کیږي او
د اوبو رسولو په برخه کې هم ورته ځانګړی پلان لري، هغه له ښاریانو غوښتنه وکړه چې
د اوبو په سپما او د نیالګیو په پالنه کې باید همکاري وکړي.
د مراسمو په پای کې د خلکو د عامه پوهاوي په موخه د چاپېریال
ساتنې ریاست د اطلاعاتو اوعامه پوهاوي ټیم
له لوري (۳۰۰) چاپیریالي پیغامونه او
کڅوړې چې چاپېریالي پیغامونو پرې لیکل شوي وو، وویشل شوې.