وروستی
د ښکار د مخنیوي په هکله یو شمير هېوادوالو ته عامه پوهاوی ورکړل شو
۱۴۴۵کال د شوال ۷مه/میدان وردگ
د ښکار د مخنیوي په هکله د عامه پوهاوي کمپاينونو په لړ کې
د میدان وردگو ولایت د چاپیریال ساتنې ریاست مسوولینو د دې ولایت د امنیه قوماندانۍ
په همکارۍ د نرخ ولسوالۍ اړوند د ده پاک په ساحه کې د ښکار د مخنیوي په موخه د يادې
سیمې يو شمېر اوسېدونکو ته عامه پوهاوی ورکړل شو.
داچې په یاده ساحه کې ډول ډول مرغان او کبان شتون لري، پخوا
هم د چاپېریال ساتنې ریاست د عامه پوهاوي لخوا په دې سیمه کې خلکو ته د ښکار د
مخنيوي په هکله عامه پوهاوی ورکړل شوی وو.
د يادونې وړ ده چې د تېرو څو لسیزو جګړو له امله په
افغانستان کې د ډیرو ناخوالو سربېره د دې هېواد ځنګلونو، وحشي ژوو، مارغانو او
کبانو ته هم سخت زیان اووښتی چې کابو د ۱۴۹ ډوله ژوند بڼو نسل د
ورکېدا له ګواښ سره مخ دی؛ د موضوع اهمیت ته په کتو د ریاست الوزرا عالي مقام حکم
په اساس په ټول افغانستان کې د وحشي ژوو، مارغانو او کبانو ښکار بند دی.
په همدې اساس د چاپېریال ساتنې ملي ادارې مرکزي او ولایتي ریاستونه
مکلف دي چې د ښکار د مخنیوي په برخه کې د ریاست الوزرا عالي مقام حکم په جدي توګه
تعقیب او تطبیق کړي او څوک چې له دې حکم څخه سرغړونه کوي د قانون منګولو ته یې وسپاري.