وروستی
میدان ښار کې د ځمکی نړۍواله ورځ ولمانځل شوه
۱۴۴۵کال د شوال ۲۳مه/ میدان وردګ
د میدان وردګو ولایت د چاپېریال ساتنې ریاست لخوا د یاد ریاست
د غونډو په تالار کې د ځمکې نړۍواله ورځ ولمانځل شوه چې پکې د سرې میاشتې کلوپ
رضاکارانو او ځوانانو گډون کړی وو.
غونډه د قرانکریم د مبارکو ایتونو په تلاوت پیل شوه ورپسې د
میدان وردګو ولایت د چاپېریال ساتنې رییس مولوي الله محمد ذاکر د چاپیریال ساتنې
او ځمکې د اهمیت او ارزښت په هکله هر اړخیزه وینا وکړه؛ د چاپیریال او ځمکې ساتنه یې
دټولنې د ټولو وگړو دیني، ایماني او وجداني دنده او مسٶلیت وباله او پر گډونوالو یې
غږ وکړ چې په خپلو کارونو کې چاپیریالي مسایلو ته لومړیتوب ورکړي.
د رضاکاره ځوانانو په استازیتوب شفیع الله او نویدالله د ځمکې
د ارزښت او چاپیریال ساتنې په هکله خبرې وکړې او چاپیریال ساتنه یې د ټولنې د ټولو
خلکو مکلفیت او مسٶلیت وباله. د غونډې په پای کې د یاد ریاست د اطلاعاتو او عامه
پوهاوي عمومي مدیر عزیزالله سعادت له لوري د ځمکې د اهمیت او چاپیریال ساتنې په اړه
هر اړخیز معلوماتي پرزنټېشن وړاندې شو.
