وروستی
کندهار، ننګرهار او بلخ کې د یو شمېر فابریکو له فعالیتونو څارنه وشوه
۱۴۴۵کال د ذی القعدې ۲۱مه/کندهار-ننګرهار-بلخ
په فعالیتونو کې د چاپېریالي اصولو د تطبیق په موخه د چاپېریال
ساتنې ملي ادارې د کندهار، ننګرهار او بلخ ولایتونو د چاپېریال ساتنې ریاستونو
نظارتي ټیمونو د کندهار په ښوراندام صنعتي پارک کې د المونیمي سیم تولیدي فابریکې،
ننګرهار ولایت سرهرود ولسوالۍ اړوند صنعتي پارک کې د المونیمي لوښو جوړولو، شوکاڼي
او وینځونکو توکو د پروسس فابریکو او همدا راز د بلخ په شادیان صنعتي پارک کې د
پلاستیکي توکو، پاپړو او غوړیو ۵تولیدي
فابریکو له فعالیتونو څخه نظارت ترسره کړ.
د فابریکو مسوولینو ته د چاپېریالي لارښود اړوند لازم معلومات ورکړل شول، چاپېریالي
نیمګړتیاوې ورته په نښه شوې او د حل په موخه ترې لیکلي ژمنې واخيستل شوې.
د نوموړو فابریکو مالکانو ژمنې وکړې چې په خپلو فعالیتونو کې به چاپېریالي شرایط
پلي کوي او موجوده چاپېریالي ستونزې به حل کوي.
د یادونې وړ ده چې د کندهار په ښوراندام صنعتي پارک کې د اتفاق په نوم المونيمي
سيم توليدي فابریکې سون سیسټم چې د ډبرو سکرو او سوځیدلو مبلایلو څخه یې استفاده
کوله او هوا یې ککړوله؛ ګازي شو.