وروستی
کونړ کې د چاپېريال نړۍواله ورځ ولمانځل شوه
۱۴۴۵کال د ذی القعدې۲۸مه/ کونړ
د کونړ ولایت د چاپېریال ساتنې ریاست له خوا د اړیکو دفتر (TLO) مؤسسې په همکارۍ د ۱۴۰۳ کال د غبرګولي په ۱۶مه نېټه د چاپېریال نړیواله
ورځ د سپوږمۍ هوټل د غونډو په تالار کې د یو لړ مراسمو په ترڅ کې ولمانځل شوه.
په دې لمانځغونډه کې د چاپېریال ساتنې ریاست مسوولینو، د بېلابېلو
ادارو رئیسانو، د سید جمال الدین افغان پوهنتون د کرنې پوهنځي، د ځنګلونو څانګې او
کابل پوهنتون د چاپېریال ساتنې پوهنځي استادانو، علمای کرامو، د TLO مؤسسې استازو، محصلینو، د کونړ ولایت د بېلابېلو
ولسوالیو د ځنګل ساتنې شوراګانو غړو، چاپېریال ساتنې رضاکاره ګروپونو او چاپېریالي
فعالینو ګډون کړی وو.
غونډه د قرانکریم د مبارکو آیاتونو په تلاوت پېل شوه او
ورپسې د کونړ ولایت د چاپېریال ساتنې رئیس ډاکټر محمد رحمن صابر ګډونوالو ته ښه
راغلاست ووایه او د پرانیستې وینا یې وکړه.
د غونډې په لړ کې د دې ریاست د طبیعي میراثونو د ساتنې مدیر
انجینر احمدشاه مجروح د چاپېریالي ککړتیاوو، لاملونو، اغېزو او حل لارو؛ د کونړ
ولایت د سید جمال الدین افغان پوهنتون د کرنې پوهنځي استاد شاهدالله امن د ځنګلونو
د ارزښتونو، ګواښونو او حل لارو؛ انجینر شفیع الحق ستانکزي د اقلیم بدلون په اړه
او د کابل پوهنتون د چاپېریال ساتنې پوهنځي استاد شریف الله پیروز د پيښو په مخنیوي
کې د ځنګلونو د رول په اړه هر اړخیز معلوماتي پرزینټیشنونه وړاندې کړل.
یاد
غونډه د اسلام او هېواد د پرمختګ لپاره د خیر په دعایې پای ته ورسېده.