مرکز او ولایتونو کې د چاپېریالي اصولو د تطبیق په موخه له هر ډول فعالیتونو څارنه کیږي

۱۴۴۶کال د محرم ٢١مه/ پکتیکا، خوست، لغمان، غزني
د چاپېریالي اصولو د تطبیق، هواککړتیا راکمولو او مخنیوي په موخه د پکتیکا، خوست، لغمان او غزني ولایتونو د چاپېريال ساتنې رياستونو د چاپېریالي چارو مفتشینو لخوا پکتیکا ولایت اړوند اورګون ولسوالۍ کي له یو شمیر هوټلونو، حمامونو، کلینکونو؛ خوست کې له ۵سپتیک څاه ګانو؛ لغمان ښار اړوند علیشنګ هډې سیمه کې د کلچو پخولو کار خونې او غزني ولایت کې له ٣ پارکونو څخه نظارت وکړ.

د دې ادارې مفتشینو د ذکر شوو اصنافو مسوولینو ته د چاپېریالي اصولو او مقرراتو په هکله عامه پوهاوی ورکړ او سپارښتنه یې ورته وکړه چې چاپېریال ساتنې ته جدي پاملرنه وکړي؛ طبي زبالې له عادي خځلو سره ګډې نه کړي او په ټاکل شوو ځایونو کې دې له منځه یوسي.

چاپېریال ساتنه د ټولو هېوادوالو فردي مسوولیت دی؛ هر څوک چې د اوبو، هوا او خاورې ککړتیا لامل شي له اصولي چلند سره به مخ شي.

Jul 28, 2024