وروستی
هلمند کې د هواککړتیا د مخنیوي کمیسیون غونډه وکړه
۱۴۴۶کال
د محرم ۲۳مه/ هلمند
د هلمند ولایت د چاپېریال ساتنې رئیس ملا محمد عیسی اغا په مشرۍ د هوا ککړتیا د
مخنيوي کمیسیون غونډه ترسره شوه چې پکې د ولایت مقام، استخباراتو، عامې روغتیا، لښکرګاه
ښاروالۍ، ترانسپورت، راډیو تلویزیون، امنيه قومندانۍ، ترانسپورټ، کرنې او مالدارۍ،
اطلاعاتو او فرهنګ، مستوفیت، پوهنې، مخابراتو او ټکنالوژۍ، کانونو او پټرولیم،
صنعت او سوداګرۍ ریاستونو استازو ګډون کړی وو.
په غونډه کې د
هوا ککړوونکو سرچینو او غږیزې ککړتیا د مخنیوي په تړاو هر اړخیز بحث او خبرې وشوې
او پرېکړه وشوه چې د هواککړتیا د راکمولو او مخنیوي په برخه کې باید اړوندې ادارې
خپل مسوولیتونه ادا کړي.
همدا راز د هواککړتیا
د راکمولو او مخنیوي په موخه د یو شمېر ریګرېشنونو له مسوولینو سره مشورتي غونډه
وشوه او د موجوده چاپېریالي ستونزو د حل په تړاو بحث ترسره شو.
د ریګریشنونو
مسؤلینو ته د چاپېریال قانون، مقررو او په ځانګړې ډول د هواککړتیا د راټیټولو او
مخنیوي مقررې په هکله عامه پوهاوی ورکړل شو، د فعالیتونو اړوند چاپېریالي لارښـودونه
ورته تـشریح او توزیع شول او د پلي کولو په موخـه ترې لیکلې ژمنې واخیستل شوې.
همدا راز د ریګریشنونو
مسولینو ته سپارښتنه وشوه چې د فعالیت پر مهال د ګرد او غبار د مخنیوي پر مهال
لازم تدابیر ونیسي او چاپېریالي روغتیا ساتنې ته جدي پاملرنه وکړي.
د ځنګلونو د ساتنې
په موخه د هلمند د قعله بست سېمې د ریګستان غاړې ځنګلونو او څړځایونو څخه څارنه
وشوه او د ولسي خلکو، چاپېریال ساتنې رضا کاره شورا غړو او امنیتي مسؤلینو سره د ځنګلونو
د ساتنې په موخه لیدنې او کتنې وشوې.