وروستی
میدانښار کې د غږیزې ککړتیا د مخنیوي کمېټې لومړنۍ غونډه وکړه
۱۴۴۶کال
د مُحرم ۳۰مه/ میدان وردګ
د میدان وردگو
ولایت د چاپېریال ساتنې رئیس مولوي الله محمد ذاکر په مشرۍ د غږیزې ککړتیا د کنټرول
او مخنیوي کمېټې لومړنۍ غونډه وکړه چې پکې د امنیه قومندانۍ، ترافیکو مدیریت،
ترانسپورت مدیریت، میدانښار ښاروالۍ باصلاحیته استازو گډون کړی وو.
غونډه د قراکریم
د څو مبارکو ایتونو په تلاوت پیل شوه، ورپسې د میدان وردګو ولایت د چاپېریال ساتنې
رئیس د غږیزې ککړتیا د اضرارو په هکله هر اړخیزه وینا وکړه. د اجنډا مطابق د
اطلاعاتو او عامه پوهاوي مسوول عزیزالله سعادت له لوري گډونوالو ته د غږیزې ککړتیا
د مقررې په هکله معلوماتي پریزنټیشن وړاندې شو. په غونډه کې پرېکړه وشوه چې هغه لوډسپیکرونه،
د موټر سایکلونو سلنسرونه او هارنونه چې له مجاز حد څخه لوړ غږ خپروي راټولوي؛
خلکو ته به په دې تړاو عامه پوهاوی ورکوي او هغه اشخاص چې مجاز حد څخه لوړ غږونه
خپروي، له قانوني چلند سره مخ شي.