وروستی
بند سردې ډنډ کې یو شمېر کب نیوونکي د ښکار له وسایلو سره یو ځای ونیول شول
۱۴۴۶کال
د صفر ۱نېټه/پکتیکا
د پکتیکا ولایت
د چاپېريال ساتنې ریاست مسوولینو د ښکار د مخنیوي په موخه د لومړۍ امنیتي حوزې
مجاهدینو په همکارۍ د دې ولایت د بند سردې ډنډ کې یو شمېر کب نیوونکي د ښکار له
وسایلو سره یو ځای د کبانو د ښکار پر مهال ونیول او عدلي او قضایي ارګانونو ته یې
معرفي کړل.
د افغانستان
اسلامي امارت د ریاست الوزرا عالي مقام حکم په اساس په ټول افغانستان کې د وحشي
ژوو، مرغانو او کبانو ښکار بند دی؛ هر هغه څوک چې له دې امر څخه سرغړونه وکړي؛ له
قانوني چلند سره به مخ شي.
د یادونې وړ ده
چې د تېرو څو لسیزو جګړو له امله د بې شمېره ناخوالو سربېره د هېواد طبیعي شتمنیو:
ځنګلونو، کانونو، وحشي ژوو او مرغانو ته هم ستر زیانونه اووښتي؛ اوسمهال په
افغانستان کې د ۱۴۹ډوله وحشي ډولونو (وحشي ژوو، مرغانو او کبانو) نسل د ورکېدا له ګواښ
سره مخ دی چې ساتنه یې د ټولو هېوادوالو مسوولیت دی؛ له نېکه مرغه د ا.ا.ا په راتګ
سره دې موضوع ته جدي پاملرنه شوې او په ټول افغانستان کې ښکار بند دی او هر هغه څوک
چې سرغړونه وکړي د قانون منګولو ته سپارل کیږي.