وروستی
هلمند کې د طبي پاتې شونو د مدیریت او تنظیم په موخه غونډه ترسره شوه
۱۴۴۶کال د صفر ۷مه/ هلمند
د هلمند ولایت د چاپېریال
ساتنې رئیس ملا محمد عیسی آغا په مشرۍ د طبي پاته شونو د تنظیم کمېټې غونډه وکړه چې
پکې د ولایت مقام، عامې روغتیا، لښکرګاه ښاروالۍ،
استخباراتو، هلمند پوهنتون، سوداګرۍ خونې، اطلاعاتو او فرهنګ، کرنې او مالدارۍ ریاستونو
او خصوصي روغتونونو استازو ګډون کړی وو.
په غونډه کې د طبي پاتې شونو د اضرارو او مدیریت په هکله هر
اړخیز بحث ترسره شو او لاندې پرېکړې وشوې:
۱: طبي پاتې شونې باید په معیاري
ډول له منځه یووړل شي.
۲: یاده کمېټه باید د ټولو
خصوصي او دولتي روغتیایي مراکزو څخه په دوامدار توګه نظارت وکړي او د هغوی فعالیتونه
له نېږدې وڅاري.
۳: همدارنګه ټول دولتي،
خصوصي، انساني او زراعتي روغتونونه، کلینیکونونه، لابراتوارونه خپلې طبي زبالې باید
د طبې پاتې شونو د تنظیم مقررې د احکامو مطابق په معیاري توګه له منځه یوسي.
۴: ټول روغتیایي مرکزونه باید
چاپیریالي جوازونه واخلي؛ ترڅو فعالیتونه یې د چاپېریالي اصولو مطابق عیار شي.
۵: د طبي زبالو د انتقال
(صفا لښګرکاه خدماتي شرکت) قرارداد باید لغو شي؛
ځکه د طبي پاتې شونو انتقال او
دفن یې په معیاري ډول نه دی ترسره کړی، د نوي شرکت سره باید د طبي زبالو د انتقال
لپاره ژر تر ژره قرارداد وشي.